ਲਖਨਊ— ਐਤਵਾਰ ਦੇਰ ਰਾਤ ਬੰਥਰਾ ‘ਚ ਇਕ 30 ਸਾਲਾ ਵਿਅਕਤੀ ਨੇ ਕਥਿਤ ਤੌਰ ‘ਤੇ ਆਪਣੇ ਛੋਟੇ ਭਰਾ ‘ਤੇ ਲੋਹੇ ਦੀ ਰਾਡ ਨਾਲ ਵਾਰ ਕਰ ਕੇ ਉਸ ਦੀ ਹੱਤਿਆ ਕਰ ਦਿੱਤੀ, ਜਦੋਂ ਉਹ ਆਪਣੇ ਘਰ ‘ਚ ਸੌਂ ਰਿਹਾ ਸੀ।ਦੋਸ਼ੀ ਸਰਵਨ ਗੌਤਮ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।ਪੁਲਸ ਮੁਤਾਬਕ ਪਰਿਵਾਰ ਰਾਤ ਦਾ ਖਾਣਾ ਖਾ ਰਿਹਾ ਸੀ ਜਦੋਂ ਸਰਵਨ ਅਤੇ ਉਸ ਦੇ ਛੋਟੇ ਭਰਾ ਅਲੋਕ ਉਰਫ ਗੋਲੂ (24) ਵਿਚਕਾਰ ਝਗੜਾ ਹੋ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਦੋਵੇਂ ਸ਼ਰਾਬ ਦੇ ਨਸ਼ੇ ‘ਚ ਸਨ।ਝਗੜੇ ਦੌਰਾਨ ਸਰਵਨ ਨੇ ਕਥਿਤ ਤੌਰ ‘ਤੇ ਆਲੋਕ ਨੂੰ ਧੱਕਾ ਦਿੱਤਾ, ਜਿਸ ਨਾਲ ਸਿਰ ‘ਤੇ ਮਾਮੂਲੀ ਸੱਟ ਲੱਗੀ। ਪਰਿਵਾਰਕ ਮੈਂਬਰਾਂ ਨੇ ਦਖਲ ਦੇ ਕੇ ਸਥਿਤੀ ਨੂੰ ਸ਼ਾਂਤ ਕੀਤਾ, ਜਿਸ ਤੋਂ ਬਾਅਦ ਸਰਵਨ ਛੱਤ ‘ਤੇ ਸੌਂ ਗਿਆ ਜਦੋਂ ਕਿ ਆਲੋਕ ਘਰ ਦੇ ਅੰਦਰ ਇਕ ਕਮਰੇ ‘ਚ ਚਲਾ ਗਿਆ।ਬਾਅਦ ‘ਚ ਸਰਵਨ ਕਥਿਤ ਤੌਰ ‘ਤੇ ਹੇਠਾਂ ਆ ਗਿਆ ਅਤੇ ਘਰ ‘ਚ ਰੱਖੀ ਲੋਹੇ ਦੀ ਰਾਡ ਚੁੱਕ ਕੇ ਸੁੱਤੇ ਪਏ ਆਪਣੇ ਭਰਾ ‘ਤੇ ਅਚਾਨਕ ਹਮਲਾ ਕਰ ਦਿੱਤਾ। ਉਸ ਨੇ ਆਲੋਕ ਦੇ ਸਿਰ ‘ਤੇ ਵਾਰ-ਵਾਰ ਵਾਰ ਕੀਤੇ, ਜਿਸ ਨਾਲ ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।ਕਤਲ ਦਾ ਖੁਲਾਸਾ ਸੋਮਵਾਰ ਸਵੇਰੇ ਉਸ ਸਮੇਂ ਹੋਇਆ ਜਦੋਂ ਉਨ੍ਹਾਂ ਦੀ ਮਾਂ ਆਲੋਕ ਨੂੰ ਜਗਾਉਣ ਗਈ।ਪੀੜਤ ਦੇ ਪਿਤਾ ਦੀ ਕਰੀਬ ਅੱਠ ਸਾਲ ਪਹਿਲਾਂ ਮੌਤ ਹੋ ਗਈ ਸੀ ਅਤੇ ਪਰਿਵਾਰ ਵਿੱਚ ਤਿੰਨ ਭਰਾ, ਦੋ ਭੈਣਾਂ ਅਤੇ ਉਨ੍ਹਾਂ ਦੀ ਮਾਂ ਸ਼ਾਮਲ ਸੀ।ਏਸੀਪੀ ਰਜਨੀਸ਼ ਵਰਮਾ ਨੇ ਦੱਸਿਆ ਕਿ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਵਰਤੀ ਗਈ ਲੋਹੇ ਦੀ ਰਾਡ ਘਰ ਤੋਂ ਬਰਾਮਦ ਕਰ ਲਈ ਗਈ ਹੈ।ਮੁਲਜ਼ਮ ਪਹਿਲਾਂ ਤਾਂ ਮੌਕੇ ਤੋਂ ਫ਼ਰਾਰ ਹੋ ਗਿਆ ਪਰ ਬਾਅਦ ਵਿੱਚ ਪਿੰਡ ਦੇ ਬਾਹਰਵਾਰ ਇੱਕ ਨਹਿਰ ਦੇ ਪੁਲ ਕੋਲ ਕਾਬੂ ਕਰ ਲਿਆ ਗਿਆ।