ਚੰਡੀਗੜ੍ਹ ਵਿੱਚ ਭਾਜਪਾ ਦਫ਼ਤਰ ਦੇ ਬਾਹਰ ਹੋਏ ਧਮਾਕੇ ਮਾਮਲੇ ’ਚ ਵੱਡੀ ਅਪਡੇਟ ਸਾਹਮਣੇ ਆਈ ਹੈ। ਦਰਅਸਲਪੰਜਾਬ ਪੁਲਿਸ ਦੇ ਕਾਊਂਟਰ ਇੰਟੈਲੀਜੈਂਸ ਵਿੰਗ ਤੇ ਚੰਡੀਗੜ੍ਹ ਪੁਲਿਸਨੇ ਆਪਣੇ ਇੱਕ ਸਾਂਝੇ ਆਪਰੇਸ਼ਨ ਦੌਰਾਨ ਇਸ ਮਾਮਲੇ ਨੂੰ ਸੁਲਝਾਉਣ ਦਾ ਦਾਅਵਾ ਕੀਤਾ ਹੈ।

ਦੱਸ ਦਈਏ ਕਿ ਮਾਮਲੇ ’ਚ ਸ਼ਾਮਲਪੰਜ ਮੁਲਜ਼ਮ ਗ੍ਰਿਫ਼ਤਾਰ ਕੀਤੇ ਗਏ ਹਨ ਜਿਨ੍ਹਾਂ ’ਚ 2 ਦੀ ਪਛਾਣ ਹੋਈ ਹੈ।ਮੁਲਜ਼ਮਾਂ ਕੋਲੋਂ ਗ੍ਰਨੇਡ ਅਤੇ ਹੋਰ ਸਮੱਗਰੀ ਬਰਾਮਦ ਕੀਤੀ ਗਈ ਹੈ।ਜਾਂਚ ’ਚ ਪੁਰਤਗਾਲ ਅਤੇ ਜਰਮਨੀ ਨਾਲ ਜੁੜੇ ਵਿਦੇਸ਼ੀ ਹੈਂਡਲਰਾਂ ਦੇ ਨਾਲ ISI ਮਾਡਿਊਲ ਦਾ ਲਿੰਕ ਹੋਣ ਦਾ ਖੁਲਾਸਾ ਹੋਇਆ ਹੈ।

ਕਾਬਿਲੇਗੌਰ ਹੈ ਕਿ ਸ਼ੁਰੂਆਤੀ ਜਾਂਚ ਵਿੱਚ ਪਤਾ ਲੱਗਿਆ ਹੈ ਕਿ ਭਾਜਪਾ ਦਫ਼ਤਰ ਵੱਲ ਇੱਕ ਗ੍ਰਨੇਡ ਸੁੱਟਿਆ ਗਿਆ ਸੀ, ਜੋ ਇੱਕ ਸਕੂਟਰ ਦੇ ਨੇੜੇ ਫਟ ਗਿਆ। ਫਿਰ ਦੋਵੇਂ ਹਮਲਾਵਰ ਆਪਣੀਆਂ ਬਾਈਕ ‘ਤੇ ਮੌਕੇ ਤੋਂ ਭੱਜ ਗਏ।

ਇਸ ਮਾਮਲੇ ਸਬੰਧੀ ਇਕ ਵੀਡੀਓ ਵੀ ਸਾਹਮਣੇ ਆਈ ਸੀ ਜਿਸ ’ਚ ਬੰਬ ਧਮਾਕੇ ਦੀ ਵੀਡੀਓ ਵਿੱਚ ਇੱਕ ਹਮਲਾਵਰ ਆਪਣੀ ਜੇਬ ਵਿੱਚੋਂ ਗ੍ਰਨੇਡ ਕੱਢਦਾ, ਉਸਦੀ ਪਿੰਨ ਕੱਢਦਾ, ਅਤੇ ਫਿਰ ਇਸਨੂੰ ਭਾਜਪਾ ਦਫ਼ਤਰ ਦੇ ਬਾਹਰ ਸੁੱਟਦਾ ਹੋਇਆ ਮੌਕੇ ਤੋਂ ਭੱਜਦਾ ਦਿਖਾਈ ਦੇ ਰਿਹਾ ਸੀ।

ਇਹ ਵੀ ਪੜ੍ਹੋ :’ਮੈ ਘਾਇਲ ਹੂੰ, ਇਸ ਲੀਏ ਘਾਤਕ ਹੂੰ; ਹਰ ਝੂਠ ਦਾ ਕਰਾਂਗਾ ਪਰਦਾਫਾਸ਼’; AAP ਦੇ ਇਲਜ਼ਾਮਾਂ ’ਤੇ ਰਾਘਵ ਚੱਢਾ ਦਾ ਪਲਟਵਾਰ

– PTC NEWS