US Visa Rules 2026 : ਜੇਕਰ ਤੁਸੀਂ 2026 ਲਈ ਅਮਰੀਕੀ ਵੀਜ਼ਾ ਲਈ ਅਰਜ਼ੀ ਦੇਣ ਬਾਰੇ ਸੋਚ ਰਹੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਮਹੱਤਵਪੂਰਨ ਹੈ। ਅਮਰੀਕਾ ਨੇ ਵੀਜ਼ਾ ਨਿਯਮਾਂ (US News Visa Rules) ਵਿੱਚ ਇੱਕ ਵੱਡਾ ਬਦਲਾਅ ਕੀਤਾ ਹੈ, ਜਿਸ ਨਾਲ Social Media Screening ਨੂੰ ਹੋਰ ਸਖ਼ਤ ਕੀਤਾ ਗਿਆ ਹੈ।ਇਹ ਨਵੇਂ ਨਿਯਮ 30 ਮਾਰਚ ਤੋਂ ਲਾਗੂ ਹੋ ਰਹੇ ਹਨ, ਜਿਸ ਤਹਿਤ ਤਹਿਤ H-1B, ਵਿਦਿਆਰਥੀ ਵੀਜ਼ਾ (F-1), ਅਤੇ ਕਈ ਹੋਰ ਵੀਜ਼ਾ ਲਈ ਬਿਨੈਕਾਰਾਂ ਨੂੰ ਆਪਣੇ ਸੋਸ਼ਲ ਮੀਡੀਆ ਪ੍ਰੋਫਾਈਲ ਜਨਤਕ ਕਰਨ ਦੀ ਲੋੜ ਹੋਵੇਗੀ।

(Social Media Profile for US Visa)

ਹੁਣ ਤੱਕ, ਵੀਜ਼ਾ ਇੰਟਰਵਿਊ ਅਤੇ ਦਸਤਾਵੇਜ਼ਾਂ ਦੀ ਜਾਂਚ ਮੁੱਖ ਪ੍ਰਕਿਰਿਆ ਹੁੰਦੀ ਸੀ, ਪਰ ਹੁਣ ਡਿਜੀਟਲ ਪਿਛੋਕੜ ਦੀ ਜਾਂਚ ਵੀ ਓਨੀ ਹੀ ਮਹੱਤਵਪੂਰਨ ਹੋ ਗਈ ਹੈ। ਅਮਰੀਕੀ ਵਿਦੇਸ਼ ਵਿਭਾਗ ਦਾ ਕਹਿਣਾ ਹੈ ਕਿ ਹਰ ਬਿਨੈਕਾਰ ਦੀ ਆਨਲਾਈਨ ਗਤੀਵਿਧੀਆਂ (ਪੋਸਟ, ਟਿੱਪਣੀਆਂ, ਪਸੰਦ) ਦੀ ਹੁਣ ਚੰਗੀ ਤਰ੍ਹਾਂ ਜਾਂਚ ਕੀਤੀ ਜਾਵੇਗੀ।

ਇਸਦੇ ਨਾਲ ਹੀ ਇਹ ਵੀ ਜਾਨਣਾ ਜ਼ਰੂਰੀ ਹੈ ਕਿ ਇਹ ਨਿਯਮ ਸਿਰਫ਼ H-1B ਜਾਂ ਵਿਦਿਆਰਥੀ ਵੀਜ਼ਾ ਤੱਕ ਸੀਮਿਤ ਨਹੀਂ ਹੈ, ਸਗੋਂ ਇਸ ਵਿੱਚ ਹੇਠ ਲਿਖੀਆਂ ਸ਼੍ਰੇਣੀਆਂ ਵੀ ਸ਼ਾਮਲ ਹਨ:

• H-1B, H-4 (ਵਰਕ ਵੀਜ਼ਾ)
• F, M, J (ਵਿਦਿਆਰਥੀ ਅਤੇ ਐਕਸਚੇਂਜ)
• K ਵੀਜ਼ਾ (ਮੰਗੇਤਰ/ਜੀਵਨਸਾਥੀ)
• R, Q (ਧਾਰਮਿਕ ਅਤੇ ਸੱਭਿਆਚਾਰਕ)
• S, T, U (ਵਿਸ਼ੇਸ਼ ਸ਼੍ਰੇਣੀਆਂ)

ਭਾਵ ਹੁਣ ਲਗਭਗ ਹਰ ਗੈਰ-ਪ੍ਰਵਾਸੀ ਵੀਜ਼ਾ ਬਿਨੈਕਾਰ ਇਸ ਜਾਂਚ ਦੇ ਅਧੀਨ ਹੋਵੇਗਾ।

ਸੋਸ਼ਲ ਮੀਡੀਆ ਨੂੰ ਕਿਉਂ ਜ਼ਰੂਰੀ, ਕਿਵੇਂ ਪਵੇਗਾ ਪ੍ਰਭਾਵ ?

ਅਮਰੀਕਾ ਸਰਕਾਰ ਨੇ ਸਪੱਸ਼ਟ ਕੀਤਾ ਹੈ, “ਹਰ ਵੀਜ਼ਾ ਫੈਸਲਾ ਇੱਕ ਰਾਸ਼ਟਰੀ ਸੁਰੱਖਿਆ ਫੈਸਲਾ ਹੁੰਦਾ ਹੈ।” ਇਸ ਲਈ, ਅਧਿਕਾਰੀਆਂ ਨੂੰ ਹੁਣ ਤੁਹਾਡੀ ਡਿਜੀਟਲ ਪਛਾਣ ਨੂੰ ਦੇਖਣ ਦਾ ਪੂਰਾ ਅਧਿਕਾਰ ਹੋਵੇਗਾ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਤੁਸੀ ਕੋਈ ਪ੍ਰੇਸ਼ਾਨ ਤਾਂ ਨਹੀਂ ਹੋ।”

ਇਨ੍ਹਾਂ ਨਵੇਂ ਨਿਯਮਾਂ ਨਾਲ ਹੁਣ ਤੁਹਾਡੀਆਂ ਪੁਰਾਣੀਆਂ ਪੋਸਟਾਂ, ਸ਼ੇਅਰਿੰਗ, ਟਿੱਪਣੀਆਂ ਅਤੇ ਪਸੰਦਾਂ ਨੂੰ ਵੀ ਜਾਂਚ ਵਿੱਚ ਸ਼ਾਮਲ ਕੀਤੇ ਜਾ ਸਕਦੇ ਹਨ। ਕੋਈ ਵੀ ਵਿਵਾਦਪੂਰਨ ਪੋਸਟ, ਗਲਤ ਬਿਆਨ, ਜਾਂ ਸ਼ੱਕੀ ਗਤੀਵਿਧੀ ਤੁਹਾਡੇ ਵੀਜ਼ੇ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ।

– PTC NEWS