Who Is Rini Sampath ?ਭਾਰਤੀ ਮੂਲ ਦੀ ਰਿਨੀ ਸੰਪਤ ਵਾਸ਼ਿੰਗਟਨ ਡੀਸੀ ਦੇ ਮੇਅਰ ਪ੍ਰਾਇਮਰੀ ਲਈ ਚੋਣ ਲੜਨ ਵਾਲੀ ਪਹਿਲੀ ਦੱਖਣੀ ਏਸ਼ੀਆਈ ਉਮੀਦਵਾਰ ਬਣ ਗਈ ਹੈ। ਡੈਮੋਕ੍ਰੇਟ ਵਜੋਂ ਚੋਣ ਲੜ ਰਹੀ 31 ਸਾਲਾ ਸਰਕਾਰੀ ਠੇਕੇਦਾਰ ਸੰਪਤ ਨੇ ਆਪਣੀ ਮੁਹਿੰਮ ਅਮਰੀਕੀ ਰਾਜਧਾਨੀ ਵਿੱਚ ਬੁਨਿਆਦੀ ਨਾਗਰਿਕ ਸੇਵਾਵਾਂ ਨੂੰ ਬਿਹਤਰ ਬਣਾਉਣ ‘ਤੇ ਕੇਂਦ੍ਰਿਤ ਕੀਤੀ ਹੈ।

ਇਸ ਵਾਰ, ਉਹ ਵਾਸ਼ਿੰਗਟਨ, ਡੀ.ਸੀ. ਦੇ ਮੇਅਰ ਦੇ ਅਹੁਦੇ ਲਈ ਆਪਣੀ ਕਿਸਮਤ ਅਜ਼ਮਾ ਰਹੀ ਹੈ। ਜੇਕਰ ਉਹ ਜਿੱਤ ਜਾਂਦੀ ਹੈ, ਤਾਂ ਉਹ ਇੱਕ ਨਵਾਂ ਰਿਕਾਰਡ ਬਣਾ ਸਕਦੀ ਹੈ। ਮੌਜੂਦਾ ਸਮੇਂ ਵਿੱਚ ਉਹ ਇਸ ਚੋਣ ਵਿੱਚ ਹਿੱਸਾ ਲੈਣ ਵਾਲੇ ਪਹਿਲੇ ਦੱਖਣੀ ਏਸ਼ੀਆਈ ਉਮੀਦਵਾਰਾਂ ਵਿੱਚੋਂ ਇੱਕ ਹੈ।

ਰਿਨੀ ਸੰਪਤ ਨੇ ਕਿਹਾ ਕਿ ਮੈਂ ਇੱਕ ਰਵਾਇਤੀ ਸਿਆਸਤਦਾਨ ਨਹੀਂ ਹਾਂ, ਨਾ ਹੀ ਮੈਂ ਕਿਸੇ ਖਾਸ ਸਮੂਹ ਨਾਲ ਜੁੜੀ ਹੋਈ ਹਾਂ। ਇਹ ਸਮਾਂ ਆ ਗਿਆ ਹੈ ਕਿ ਇੱਕ ਬਾਹਰੀ ਵਿਅਕਤੀ ਸਾਡੇ ਸ਼ਹਿਰ ਦੀਆਂ ਬੁਨਿਆਦੀ ਸੇਵਾਵਾਂ ਨੂੰ ਬਿਹਤਰ ਬਣਾਉਣ ਲਈ ਕੰਮ ਕਰੇ।

ਰਿਨੀ ਸੰਪਤ ਨੇ ਕੀ ਕਿਹਾ?

ਉਨ੍ਹਾਂ ਕਿਹਾ ਕਿ ਇਹ ਸਪੱਸ਼ਟ ਹੈ ਕਿ ਮੇਰੇ ਕੋਲ ਜਿੱਤ ਦਾ ਇੱਕ ਠੋਸ ਰਸਤਾ ਹੈ। ਸਿਰਫ਼ ਚਾਰ ਹਫ਼ਤਿਆਂ ਵਿੱਚ, ਮੈਂ ਡੀਸੀ ਦੇ ਇਤਿਹਾਸ ਵਿੱਚ ਮੇਅਰ ਲਈ ਚੋਣ ਲੜਨ ਵਾਲੀ ਪਹਿਲੀ ਦੱਖਣੀ ਏਸ਼ੀਆਈ ਉਮੀਦਵਾਰ ਬਣ ਗਈ ਹਾਂ। ਇਹ ਉਹ ਪ੍ਰਾਪਤੀ ਹੈ ਜੋ ਇੱਕ ਸਧਾਰਨ, ਲੋਕਾਂ ਨਾਲ ਜੁੜੇ ਲੋਕ ਹਾਸਿਲ ਕਰ ਸਕਦੇ ਹਨ।

ਵਾਸ਼ਿੰਗਟਨ, ਡੀ.ਸੀ. ਕੋਲ ਭਾਰੀ ਡੈਮੋਕ੍ਰੇਟਿਕ ਬਹੁਮਤ ਹੈ, ਅਤੇ 1975 ਵਿੱਚ ਚੋਣਾਂ ਸ਼ੁਰੂ ਹੋਣ ਤੋਂ ਬਾਅਦ ਸ਼ਹਿਰ ਵਿੱਚ ਕਦੇ ਵੀ ਰਿਪਬਲਿਕਨ ਮੇਅਰ ਨਹੀਂ ਰਿਹਾ ਹੈ। ਇਸ ਤੋਂ ਪਹਿਲਾਂ, ਸ਼ਹਿਰ ਦਾ ਸੰਚਾਲਨ ਅਮਰੀਕੀ ਰਾਸ਼ਟਰਪਤੀ ਦੁਆਰਾ ਨਿਯੁਕਤ ਕਮਿਸ਼ਨਰਾਂ ਦੇ ਇੱਕ ਬੋਰਡ ਦੁਆਰਾ ਕੀਤਾ ਜਾਂਦਾ ਸੀ।

ਕਾਬਿਲੇਗੌਰ ਹੈ ਕਿ ਪ੍ਰਾਇਮਰੀ ਚੋਣ 16 ਜੂਨ ਨੂੰ ਹੋਣੀ ਹੈ, ਜਦਕਿ ਆਮ ਚੋਣ 3 ਨਵੰਬਰ ਨੂੰ ਹੋਵੇਗੀ। ਇਸ ਸਮੇਂ ਕਈ ਉਮੀਦਵਾਰ ਮੇਅਰ ਲਈ ਚੋਣ ਲੜ ਰਹੇ ਹਨ, ਜਿਨ੍ਹਾਂ ਵਿੱਚ ਜੈਨਿਸ ਲੇਵਿਸ ਜਾਰਜ, ਕੇਨਿਯਨ ਮੈਕਡਫੀ, ਗੈਰੀ ਗੁਡਵੈਦਰ, ਰਾਬਰਟ ਐਲ. ਗ੍ਰਾਸ ਅਤੇ ਰੋਂਡਾ ਹੈਮਿਲਟਨ ਸ਼ਾਮਲ ਹਨ।

ਇਹ ਵੀ ਪੜ੍ਹੋ :Iran US War News : 2 ਅਮਰੀਕੀ ਲੜਾਕੂ ਜਹਾਜ਼, 2 ਹੈਲੀਕਾਪਟਰ ਤਬਾਹ; ਈਰਾਨ ਨੇ ਪਿਛਲੇ 24 ਘੰਟਿਆਂ ਵਿੱਚ ਅਮਰੀਕੀ ਕੈਂਪ ਮਚਾਈ ਖਲਬਲੀ

– PTC NEWS